ಶಿರವ ಬಾಗಿ ನಮಿಸಿರಿಂದು
ಬದುಕ ಕೊಟ್ಟು ಬೆಳೆಸಿದಂತ
ದೇವರೀರ್ವರು, ನಮ್ಮ ದೇವರೀರ್ವರು
ಎಳೆಯ ಮೊಗ್ಗಿನಂತ ನಮಗೆ
ಸುಧೆಯ ತುಂಬಿ ಬಿಟ್ಟುದೆಡೆಗೆ
ಜಗದ ಮಡಿಲಿಗಿಟ್ಟು ನಲಿದ
ದೇವರೀರ್ವರು, ನಮ್ಮ ದೇವರೀರ್ವರು
ಜ್ಞಾನ ಜ್ಯೋತಿ ಬೆಳಗಿಸುತಲಿ
ಸುಜ್ಞಾನದಿಂದ ಸವಿಯ ನುಡಿದು
ಆಟಪಾಠದಲ್ಲಿ ಬೆರೆತು, ನಗಿಸಿ ನಗುವ
ದೇವರೀರ್ವರು, ನಮ್ಮ ದೇವರೀರ್ವರು
ಮಾತಿನಲ್ಲಿ ಕಪಟವಿಲ್ಲ
ತಾಳ್ಮೆಗಿವರು ಪವಿತ್ರರೆಲ್ಲ
ಪೂಜ್ಯರಿವರ ಚರಣಗಳಿಗೆ
ಜನುಮಪೂರ ನಮನವು, ಹೃದಯಪೂರ್ವ ನಮನವು
ಮತ್ತೆ ಬರಲಿ ಜನುಮವೊಂದು
ನಿಮ್ಮನಗಲದಂತೆ ನಾವು
ಜಿಗಿದು ಕುಣಿದು ಬ್ಯಾಗನೊತ್ತು
ಶಾಲೆಯತ್ತ ಬರುವೆವು, ನಿಮ್ಮ ಒಡಲ ಸೇರ್ವೆವು...
No comments:
Post a Comment