ಪ್ರೀತಿಗಾಗಿ ಅಲೆದಾಗ

ನಿನ್ನ ಹುಡುಕುತ ಬಂದೆ ಎಲ್ಲೆಲ್ಲೋ ಅಲೆದಲೆದು
ಎನ್ನ ಸನಿಹದಿ ನೀನಿದ್ದರೂ
ಮಲೆಯನೆರುತಲಿದ್ದೆ, ಹೊಳೆಯ ದಾಟುತ ಬಂದೆ
ಎನ್ನ ಜೀವದ ಗೆಳತಿ ಬಳಿ ನೀನಿದ್ದರೂ

ಬಿಸಿಲ ಬೇಗೆಯೆ ಬರಲಿ ಬರವಾಗದೀ ಪ್ರೀತಿ
ನೆರಳಿಟ್ಟು ನೀರುಣಿಸಿ ತಂಪೆರೆವೆ  ನಾನು
ಕೂಗುತಾ ಇಹುದು ಬಹುದೂರದಾ ದನಿಯೊಂದು
ಕೇಳಿತೆ ಮನವೇ ನಮಗಿದೋ ಮಧು ಮಂಚವನ್ನು

ಚಂದ್ರನಿಲ್ಲದ ಬಾನು ಅಂದ ಕಾಣುವುದೇನು
ಚಂಚಕೋರಿಯೇ  ನೀ ನಿನ್ನುಸಿರ ತಾರಾ
ಎನ್ನ ಹೃದಯದ ಕದವ ತೆರೆದಿಟ್ಟು ಕಾದಿಹೆನು
ಬೆಚ್ಚನೆಯ ಗೂಡಿಹುದು ಬಂದೆನ್ನ ಸೇರಾ.