ವಿಠ್ಠಲನ ಹುಡುಕುತ್ತಾ

ನನ್ನ ವಿಠ್ಠಲನನ್ನು ಹುಡುಕುತ್ತಾ -

ಮುಗಿಲೆತ್ತರಕ್ಕೆ ಬೆಳೆದು ನಿಂತು

ಆಕಾಶಕ್ಕೆ ಚುಂಬಿಸುತ್ತಿರುವ ಶಿಖರಗಳೇ

ಕಂಡಿರಾ ಆ ನನ್ನ ಅಂಭುಜನಾಭವನ್ನು?

ಕಲ್ಲು ಮುಳ್ಳು ಗುಡ್ಡಗಳ ಜೊತೆ

ಸ್ನೇಹವಂಚಿಕೊಂಡು ಬದುಕುತಿಹ

ಕಾಡು ಮೃಗ ಸರಿಸೃಪಗಳೇ 

ಬಲ್ಲಿರಾ ಎಲ್ಲಿಹನು ನನ್ನ ವಾಸುದೇವನನ್ನು?

ಹೆಂಗಳೆಯರ ಕೇಶರಾಶಿಯೊಡನೆ 

ಸದಾ ಚಿತ್ತಾರಮಯ ಪರಿಮಳ ತುಂಬಿಹ ಹೂಗಳೇ

ಕಂಡಿರಾ ಆ ಸ್ತ್ರೀಲೋಲ ಕೃಷ್ಣಪರಮಾತ್ಮನನ್ನು??

ನೀರೊಳಗಲಿ ಬದುಕುತಿಹ

ಜಲಾಚರ ಜೀವಜಂತುಗಳೇ

ಕಂಡಿರಾ ನನ್ನ ವಿಠ್ಠಲ ದೇವನನ್ನು?

ಕೊಂಬೆ ರೆಂಬೆಗಳಿಗೆ ಹಾರಿ

ಊರೂರು ನೋಡುತಿಹ ಹಕ್ಕಿಗಳೇ

ಕಂಡಿರಾ ನನ್ನ ಲೋಕೋದ್ಧಾರಕನನ್ನು?